Markmið Lifandi Húss
..er að rækta hugann, nota líkamann og vera til staðar þegar við æfum. Mátturinn í núinu er öflugur drifkraftur og þegar við náum að nota hann við æfingarnar margfaldast árangurinn.
Við leggjum áherslu á að bjóða upp á fjölbreytt námskeið og fyrirlestra svo að sem flestir finni eitthvað við sitt hæfi. Við erum ekki með áskrift inn í stöðina heldur bjóðum aðeins upp á lokuð námskeið. Þannig náum við betri tengslum við hvern viðskiptavin og veitum persónulegri þjónustu.
Eygló Linda Hallgrímsdóttir
Ég heiti Eygló Linda Hallgrímsdóttir og er fædd og uppalin á Selfossi. Áhuginn minn beindist fljótt að heilsu, fólki og mannlegum samskiptum. Ég stundaði nám á iþróttafræðibraut F.S.U. fór síðan au-pair til Manhattan. Ameríka heillaði mig og þjónustlund fólksins og ég ákvað að læra til þjóns þegar ég kom heim. Ég útskrifaðist frá Hótel og veitingaskólanum 1990. Með því að starfa sem þjónn, þjálfaði ég konur í sundlaugarkjallaranum á selfossi frá árinu 1992-1996, ásamt því að þjálfa stúlkur sem tóku þátt í ungfrú suðurland. 1997 Langaði mig að breyta til og hætti að vinna sem þjónn og fór að selja tryggingar og sparnaðarplön hjá Tryggingamiðlun Íslands, nokkru seinna tók ég próf í löggildingu í vátryggingamiðlun.
2003 fór ég á N.L.P. námsskeið hjá Kára Eyþórs ráðgjafa og fór þar í mikla sjálfsskoðun. Þar uppgötvaði ég að ég vildi fara aftur í heilsugeiran. Þá fór í gang hröð atburðarrás, ég fór í A.C.E. einkaþjálfarapróf og sama ár tók ég Rope yoga réttindin. Einnig kláraði ég masterinn í N.L.P.(undirmeðvitundarfræði). Á síðustu árum hef ég bætt við mig kennararéttindum í Fit Pilates, Jump Fit og nú síðast ketilbjöllur. Árið 2005 byrjaði ég í Næringarþerapíunámi í Danmörku og útskrifaðist þaðan þann 14 júní 2008.
Þetta allt heillar mig og sé ég fyrir að taka að mér heildræna meðferð á huga líkama og sál, bæði í hópráðgjöf sem og einstaklingsráðgjöf. Takmarkið er að virkja þá sem eru tilbúnir í því að ná hámarksárangri í starfi og leik.
Með lífsgleði og kærleikskveðju, Eygló Linda